Love story #4591 [勇氣] "O1 男 有/有 好記得幾個月前我係度post過 話自己因為以前既事而好迷茫 即使當時有一個幾有好感既女仔 我都係好猶豫 唔知自己係咪應該去追 驚傷到佢 更驚傷到自己 唔知大姨媽仲記唔記得 果陣得你一個人留言 叫我試下放低過去 唔好再錯過自己中意既人 其實真係好多謝你 之後我真係發現我冇左佢真係會好傷心 所以不顧一切咁拖住佢隻手 拉佢去海邊同佢表白 佢答應左 我地係頭幾日都好唔穩定 因為佢都有過去既野拖住佢 但係......我一路都堅持 唔放手 最後我地總算穩定左 宜家我地偶然都會因為一D事而嘈 但係我同佢好似心靈相通咁 好奇妙 拍拖之前 我永遠都會咁岩係佢唔開心果陣搵佢 講D好笑既野 而佢就每一次都理解我既諗法 佢係個好體貼既女朋友 我住觀塘 佢住粉嶺 有時我好想送佢番家 佢次次都會係九龍塘話送到E度得啦 你到屋企果陣我都到啦 到時我咪唔駛等你好耐你先番到家lor 雖然講就係咁講 其實佢係怕我太辛苦...... 每次我唔出聲佢都會知我想點 真係第一次遇到個咁理解我既人...... 宜家諗番 如果以前既一切唔開心既野 都係為左遇到佢既代價 比我再揀多次 我都會選擇行E條路 可能有人都好似我以前咁......我都唔知未來我地會點 起碼我覺得我同佢都會為左未來而努力 大家一齊加油啦;)" From 馬料水大學 (CUHK) #幸福小品, #勵志 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7

from HKU Dry Club http://ift.tt/1iXMdDK

via IFTTT