Love story #4533 [其實係咪我啦岩？ [好長慎入]] "O2 F 男朋友成日係我面前提起我一個好朋友 試過幾次 佢拖住我行緊街時同我講： - xxx真係好得意好可愛！ - 同班兩年淨係同過xxx講一句野 仲要係fb！ - 點先可以同xxx做好朋友？係咪要由fb開始？ 雖然聽完好唔開心 但我同自己講 唔可以咁小氣 男人天生就係鍾意留女人啦 講下無傷大雅 欣賞唔代表鍾意唔代表想溝 佢鍾意既係我就得喇！ 有一晚都ok夜 我咁岩去開將軍澳線 我就搏下運氣睇下佢落唔落得黎見下面啦 見到我已經好開心 點知我山長水遠夜媽媽黎到 佢冇好開心不特只 仲失雞無神同我講 - 唔知xxx graddin會著成點呢？好期待呀！ *唔好同我講咩你平胸你男人咪望第2個囉 我D 我朋友A (唉不過我寧願係因為咁…) 我當堂灰左…………我覺得自己好蠢 得我一廂情願想見人 之後我成程好靜 一黎冇心情 二黎我唔知當佢再講起我好朋友時我可以俾咩反應… 結果佢黑晒面 話唔知我諗咩無啦啦唔開心 我番到屋企wtsapp佢 同佢講 我明係人都鍾意睇靚女 但你咁樣我會好唔開心 我唔介意你自己心入面暗自欣賞或者同你啲朋友討論 但可唔可以唔好係我面前係咁講… 一直唔同你講係因為怕你覺得我小氣驚你唔開心 我唔係想鬧你 只係想你明我諗乜 點知俾佢鬧番我自私轉頭 但過左晚佢又同我講對唔住話知自己唔岩啲咩 再過多日 佢仲係心事重重咁款 我就問佢諗緊咩 佢同我講 其實佢覺得自己咩都冇做錯 只係總要有個人講對唔住 我而家唔知點好… 早知個晚唔俾surprise佢唔搵佢 早知唔同佢講我介意… sorry for 1999 + 多謝大家俾心機睇晒" From 就快讀大學 (Almost there) #求意見 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7

from HKU Dry Club http://ift.tt/1iXMdDK

via IFTTT