Love story #4524 [純潔女神與他的前度(兵)] "A1 男 我唯一一次同女友拍拖, 係yr1果陣 我其實係想講我點解同佢分手, 我相信各位巴打睇完都有種想同佢分嘅衝動 咁小弟呢本身都有啲小錢, 因為我係獨仔, 屋企人都係公司管理階級嘅人 但係呢, 識到呢個女仔果陣冇撚過係因為身份同錢呢樣嘢佢先同我一齊 講下個女仔先, 佢係公屋女, 好細個果陣大陸落黎, 佢而家仲係中學生, 等緊上大學果批。個樣幾唔錯, 清純女仔果type, 正常男人見到佢都應該會想保護佢果種, 我睇上佢係因為佢個樣, 外加佢係超發奮向上勤力好學生, 野心大過佢個胸果啲 所以我一直低估佢心計 我先講第一樣嘢 我知道貪靚係女仔天性, 但係都唔係呢個地步呀係唔係先 佢屋企唔算有錢, 唔係我睇唔起佢, 但係佢有冇需要個個月晒幾千銀, 冇錯, 係幾千銀, 落去佢塊面度, 我果陣已經係度諗, 其實你同我一齊, 都唔駛花咁多時間落去塊面都得啦, 可以cut到七百幾銀去買幾枝嘢咪得囉 識佢果陣我唔知佢咁大洗, 但係同佢拍拖之後, 佢就一時時叫你買嘢, 佢好聰明, 唔會嗲你唔會煩你, 就係每次出街話想要xyz咁, 佢冇要求, 不過正常一個醒仔就一定會同佢買, 而且每次買都係百幾百幾咁…amount好細, 但係一到月尾, 就會突然發現, 點解你啲零用會用晒, 甚至連補習賺果啲都冇晒... 先講住一樣先…我其實想知, 睇到呢度嘅巴打絲打, 我係唔係好似兵" From 清水灣大學 (HKUST) #講起我就扯火 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7

from HKU Dry Club http://ift.tt/1iXMdDK

via IFTTT