長途挑逗 #13 - Storyteller 馬交文 馬交文故事x馬交文公告 跌跌撞撞，我拖住celia離開k房，踏出CEO。 印象中，個部長好似同我講：「再見馬生，玩得開心啲。」 走先黎講？事後諗起，部長真係見慣k場世態。 to 扑 or not to 扑，呢個本應深思熟慮既問題，我一啲都無無思考過。celia挨住我行，似乎同我差唔多咁醉。 我個腦完全運作唔到。 上的士，講出地址，的士直奔我屋企。全程的士入面，我同celia雙唇無一秒分開過。小學中文老師教四字詞，講「靈蛇吐信」，宜家諗番，celia條脷比靈蛇有過之而無不及，直頭可以寫入小學中文教科書，實行融合中文同性教育兩科。 我已經唔記得對手擺咗係邊，只記得落車既時候隻右手好似黏黏地。 如果你唔明既話，celia係著裙既。 上樓，攞鎖匙，開門，除鞋，入房。每一樣野都好快，快到我根本無意識去判斷究竟我做緊啲乜。 見到celia瞓咗係我張床，我好似回復番意識。 「我去沖個涼。」 celia攬住我，唔比我去。一輪脷疊脷之後，我終於離開到我間房。 如果你試過開到個花灑最猛，然後係啲水兜頭淋落黎既時候用合埋眼用雙手封住對耳，你會聽到瀑布既水聲。慢慢，你個腦會出現瀑布既映像。 對住呢個瀑布，我終於停落黎。 我當celia係乜？我想點？ 由頭到尾，我都只係想有個人係度。一搞埋，呢段關係就真係唔清唔楚。我負擔唔起呢種重量，呢種迷離。 我第一次覺得，唔扑係一個自私既行為。 都濕哂咯。 或者咁耐以黎，我都清楚呢段關係唔可以行得太遠，因為大家根本就唔想認真。flirt本身就需要空間，所以當flirting去得太盡，緣分，亦勢必早盡。 如果有食唔食係罪大惡極，咁我應該仆街仆入無間道。不過，呢段關係，本身就仆街啦。 抹身，著番杉，開門，老豆竟然係廁所門口，佢面上既笑容令我聯想到《整蠱專家》入面賣淫賤不能移既單眼佬。 「女啦，四吋斗零踭，掂喎。」 「做乜姐？friend咋。」 「有無袋？記住帶袋呀。」 「咩袋呀？環保袋呀？」 「吹就老虎都環保，打波一定唔可以呀。同friend打友誼波唔帶袋，好嗱咋嫁。」 「你都癡既，都話friend咯。」 「唔好玩我啦呀仔，就係friend先係友誼波呀嘛。你咁爭氣，老豆除左恭喜之外，都唔知講咩好。不過，下次可唔可以比我地兩老過過目先呢？」 「你係咪唔明friend點解呀？F-R-I-E-N-D呀，朋友呀。」 老豆斜視住我，陰陰嘴笑：「好，呀哥，呢期你出位啦，你話點咪點囉。friend先要用袋呀喂，友誼永固呀。」 「妖，番房啦。」 我瞓上床。 celia打側個身，哄個頭埋黎。 我攬住佢：「瞓啦，再算啦。」 我合埋眼。 再算啦。 （去到呢個位，大家有咩意見？又有無野想分享？如果有既，不妨係下面留言，呢段時間馬交文連載雖然會暫停一陣，但係如果你有野想講既，甚至有野想問馬交文，馬交文都會嘗試回應既。馬交文上）

via HKU Dry Club http://ift.tt/1kMezUu