Love story #4152 [諗唔通] "故事有d長..但係真係希望有人俾到意見 >\u003C 我同我男朋友拍左拖4年...都視對方為結婚對象 但係佢份工好忙...忙到可以話每日休息時間得好少 就算平時有空閒時間佢都會好攰想用黎休息 平時出街想去遠少少去耐少少都無時間 最多都係食一個鐘飯就真係要返去做野 電話又少傾whatsapp又唔多(返工唔方便用電話) 加上佢份人係無乜野講又唔會表達自己 連大時大節都係食完個飯就散水 講真我係愛佢 同佢一齊都有開心既時候 但係咁既相處方式真係好攰 我知實有人話平平淡淡幾好...但係認真 真係好悶 又有人會話佢都係努力工作想俾到幸福你姐 但係我知道佢咁努力根本只係佢事業心重唔關我事 同佢傾過..但係佢又唔覺得有乜問題 (依個話題同佢重覆又重覆左好多次) 其實我知道個問題係佢份工真係好忙加上佢性格係咁 而我都知佢唔講唔代表佢唔愛我 對於佢黎講..佢會覺得兩個人一齊只要感受到大家既存在係大家身邊就足夠 但係女仔始終係想男朋友偶然哄下自己..傾下計交流下..唔洗多...少少就夠 但係偏偏佢就覺得依d只係門面野唔明做黎做乜 佢始終覺得我知佢愛我咪得lor 有人話拍拖耐左就會悶架啦何況你地都咁耐啦! 但係我覺得唔係咁 至少我到宜家都係偶然想俾d小驚喜佢 想哄下佢開心 我咁做佢係覺得開心 但係會同我講其實我做唔做佢都一樣開心lol(言下之意係唔洗自chur) (同埋好耐之前我同ex都係拍左好多年拖都唔會係咁..我知唔可以咁比較但係我只係想講唔係個個係咁...應該真係性格問題) 係 我係知佢愛我我都愛佢 而依d係旁人眼中都看似小事 但係依d小事就正正係纏繞住我 令我懷疑咁樣到底係真係唔開心..定係我唔知足 又有人話應該係你太得閒所以放咁重心機落愛情 愛情唔係全部呀嘛! 我知所以我都有投入工作 空閒時間培養下興趣做下自己野 而我本身都唔係個d一得閒就要人陪既人黎 但係始終 分散自己注意力只係斬腳指避沙蟲..個問題無解決到 係就係stable..但係我都好懷疑到底我係咪想成世都要接受依個相處方式 而到底依個世界上又有幾多女仔係接受到依個相處模式?" From 馬料水大學 (CUHK) #求意見 ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT