Love story #3940 [女仔家境重要嗎？] "其實我成日有個疑惑 - 男仔會唔會介意女仔既家境？ 利伸 居屋妹 同現任拍左一年 有/有 我男友算半個abc, 响美國留學8年，家境算中上，佢對上個女友拍左兩年，係個大陸有錢人，至大學畢業佢返香港做野就散左。 及後， 一次朋友gathering下識左，講真，佢同我自身既圈子啲人好唔同，佢圈子有一半都係中產至有錢，玩既野都唔同。我身邊既人都仲係柴娃娃，大部分都要靠pt賺錢去玩（唱k, 食糖水）。我同同學仔好多都係來自屋邨band1,2中學，非名校，好多人grant/loan,好少人真係出過國。 所以有好多時我都會自卑，有啲融入唔到佢圈子既感覺（亦冇膽去融入）。佢叫我去我都會作d excuse。加上佢ex又係有錢女，硬係覺得佢會睇慣左女仔着top brand,用高級野,所以對我呢個成日hea着既人帶黎壓力。 佢好想成功，好想靠自己買車買樓，做野好搏, 升職好快。所以我成日會諗其實佢會唔會需要一個响事業到幫到佢既人。以佢條友要揾個有錢/好叻既女仔一啲都唔難。 大家有冇意見俾到我/_\，講真未識佢前一啲都唔會自卑，因為身邊既人差不多出身，自己對比同學甚至已有較好既生活，想食乜就食乜，shopping 中價brand都仲俾得起既(細i.t, 日牌，Hollister, juicy couture), 唔洗grant loan,但識左佢先見到另一個世界,自卑感由然而生， 佢好想上黎我家吃飯，但我好唔想，因屋企環境冇佢咁好，有點距離。 仲有我成日會自己响到同佢ex比，暗中sad又有，明顯sad又有，佢其實安慰過我好多，話過最愛既係我，之前好平淡如水，而且佢會話唔明點解我要自卑，靚又靚過佢，叻又叻過佢，佢屋企人又鍾意我，只不過佢屋企有錢啲可以送佢外地讀書姐，佢又會不斷強調唔會靠女人，佢之前拍拖都不會睇對方有冇錢（而且其實之前有個女仔追佢佢都講明佢有女友，佢形容個女仔樣正常但好有錢）。 但我始終放唔底，我唯一輸既就係錢，我有時愛佢就會諗如果自己有良好既家底就可以幫佢事業發展啦，就係咁不斷鑽牛角尖/_\ 所以我不斷chur自己，chur gpa, chur好intern,暫時有機入大公司做mt,希望拉近距離。。。有冇人可以鬧醒我。。 最後多謝大家肯睇晒咁長既文章，呻完輕鬆左少少。" From 紅磚大學 (PolyU) #求意見 ------------------------------------------------- GPA T-shirt ordering ==>> http://bit.ly/GPAshirts 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT