Love story #3927 "話說兩年前, 媽媽因為身體有啲問題而患左情緒病, 成日都會抑鬱同埋焦慮 果段日子真係好難捱, 睇住佢情況一日一日咁差落去, 無論我同爸爸點勸佢佢都聽唔入耳, 而我同爸爸心情都唔好 我唔敢同同學講我媽媽有情緒病, 好驚唔知佢地會點睇我屋企, 就算係男朋友同最好嘅朋友都完全唔知 每一日我返學心情都差到極點, 個人好灰, 無啦啦都想喊 有時甚至哩喺宿舍唔想返屋企, 因為返到屋企又要對住一個極大負能量嘅家人, 真係好辛苦 有一段時間我同爸爸都好想放棄, 因為我地都好攰 我地試過用激漲法, 試過威脅佢話佢再係咁就唔理佢, 總之咩都試過都唔work 最後我爸爸同我講, 唯一可以令媽媽好返嘅方法就係要錫佢多啲 一開始我都覺得好難, 啲肉麻說話真係講唔出口, 但我好努力去試 叫媽媽要加油, 唔好比個病控制住自己 星期六日返到屋企我會緊緊攬住佢話好掛住佢, 佢煮野比我食我會狂讚話好好食, 去街會拖實佢 之後媽媽都有見醫生, 食藥, 做運動 去到兩年後嘅今日, 佢終於好返晒, 仲健康過之前 :) 雖然媽媽呢個病令我地一家人好唔開心, 但好感恩, 呢件事我地更團結, 關係比以前更好 雖然已經過左母親節, 但我依然好想同媽媽講, 以後嘅每一日我都會咁愛你 :')" From 馬料水大學 (CUHK) #幸福小品, #勵志 ------------------------------------------------- GPA T-shirt ordering ==>> http://bit.ly/GPAshirts 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT