Love story #3919 [其實我好想做個好女朋友] "O1 F 寫完覺得好長，仲有d1999，辛苦哂大家睇。 同男朋友拍左大半年，好穩定無鬧過交。佢好錫我對我好好，我試過扭計發少少脾氣但係佢唔會嬲反而會氹返我，即時無哂氣仲會內疚。有時候都唔明白點解d情侶鬧交，因為明明係最最最重要既人點解要互相傷害呢？希望可以兩個人一齊開開心心咁。 講返先LOL 呢排考試period，佢要溫書唔係好得閒見。雖然有時會一齊溫或者陪佢溫，好處係佢驚我話佢所以唔會掛住用電腦，壞處係成日想搵我傾計，我有得見實無所謂架所以我比佢揀，最後佢決定閉關係宿專心溫書。但係心情呢d野，愈唔見得就愈想見，而我地兩個都會因為唔見而無心機做自己野，所以我呢排都有個小習慣就係會偷d時間去見佢。 點樣叫偷時間呢，比如因為佢有住宿星期五夜晚會返屋企，咁佢返去個時我會係學校同佢一齊搭車返到佢屋企附近，然後先調轉頭返自己屋企。其實係十萬個唔順路因為我屋企係大學附近有巴士直接到，但想見又唔想平時阻住佢，所以我一d都唔介意。又或者有時佢星期日夜晚返宿，我又咁岩出左門口唔係屋企既話，都會特登去佢屋企附近地鐵站等佢一齊返大學我再返搭巴士屋企。唔好問點解我咁得閒周圍走，我只可以話我major真係得閒少少。Ps: 我鍾意叫呢d做｢偷時間｣instead of攝時間，因為曾經睇過篇短文叫《偷一點時間給你心愛的時》(類似啦), 大家可以搵黎睇睇。值得睇。 講返今日，因為我成日都摺lib溫書，見佢好似差唔多會返黎，咁我就出左去等佢。佢都知我會等佢出門口，七點幾有打過比我叫我唔好咁辛苦，但係我根本唔介意，有得見點會介意等，佢知我點都唔會就咁返去，所以索性叫我係m記食野坐低等佢。我本身都預佢八點幾先出門口返宿，諗住個幾鐘好短姐所以企左係書局邊睇書邊等。到左八點幾佢打比我同我講佢屋企有d野煩緊(其實主要係要教阿妹數)，唔知幾點先走，所以叫我唔好等返屋企，我望鐘都諗到佢可能會搞到今晚返唔到宿聽日先返，所以就返左屋企。佢一路不停say sorry話佢好衰又叫我等又叫我走，我話唔緊要又唔係特登既無問題。佢話我實係唔開心之後又sorry，我諗左一諗，話我無唔開心唔洗講對唔住云云。 其實我有無唔開心呢，實有架。唔開心唔係因為要我等，係因為無得見。我唔敢照直講話我唔開心，因為我知佢已經好多野煩，明明自己聽日都有試考，無得返宿之餘仲要教佢妹數而無得溫(而佢妹係後日先考數)，我唔想佢又煩多我一樣，可況無得見佢都一樣唔開心，所以我答佢，我無唔開心。但係我地講好對對方要坦誠，我自己都同自己講唔可以講大話呃佢，我又好矛盾好似違反左承諾咁，更加唔想佢覺得我點都唔會在意唔會唔開心。 其實之前都係，佢生日本來講話會一齊去玩慶祝，因為係第一個一齊過既生日，我好重視諗左好耐點慶祝，但係佢溫唔切所以取消左。有無唔開心失望，有。但係一諗到係佢生日，佢自己都無得玩仲要溫書無得見，佢肯定唔開心過我，我邊有資格講我唔開心呢，所以我都話無所謂啦唔緊要，其實點會唔緊要，唔多唔少都會有d唔開心。不過幾唔開心都唔會鬧佢話佢唔岩，因為佢都唔想架嘛而且都係個句啦，佢都好唔開心我點可以令佢更唔開心呢。 所以，到底應唔應該講自己唔開心呢？雖然其實佢都會在意，但係我唔想講完搞到佢更加唔開心。我希望我可以令佢開開心心咁樣而唔係我令佢唔開心。但係有時比如佢溫書溫到好辛苦唔開心個時，我除左講句加油就做唔到d咩又覺得自己好無用...有無d咩可以支持佢為佢做呢... 好女朋友，好難呀....點樣先可以更好呀？ 另一樣，因為認真想發展，所以我都識佢妹，關係普通啦傾到兩句既。因為我自己都係妹妹有個哥哥，所以有時都會同男朋友講幫得到個妹咪幫囉教到數咪教囉，妹一世人得一個架咋，但其實我知佢每次都教得好炆，咁我唯有之後去氹返佢。但係今次我都覺得好心痛，佢聽日都有試要考要溫，都要因為你後日考數咩都唔識要教你而溫唔到，會唔會太過分。當佢講話要等佢妹訓左先有得背自己個d，仲可能因為咁而無得訓，我就心都碎埋。姐係咁，妹子，你自己都係大學生，course係你自己讀，點解上完唔識問完又唔識要佢唔溫自己既去教你？ 我好想同佢妹friend，我唔知佢妹有無睇開dry club但我知如果佢妹睇到一定會嬲，但係我都係想講。你大喇，靠下自己唔好下下靠你哥，你求佢教你受佢氣你又唔開心發脾氣周圍呻佢又唔開心，咁為咩姐，佢教你個時唔好老脾鬧你蠢我聽到都覺得唔順耳何況係你，但我又唔好意思當住你面去話佢落佢面，你自己諗清楚啦。 Sorry for 1999." From Local U #幸福小品, #思念, #求意見 ------------------------------------------------- GPA T-shirt ordering ==>> http://bit.ly/GPAshirts 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT