Love story #3642 [異性好友出pool] "A2 女仔 我有一個好好既男仔做我好朋友, 我地識左2年左右 我地一班friend一齊玩既, 但我同佢就特別熟 初初識佢個時有誤會過佢想追我, 我避開左佢一排 仲同佢講佢唔係我鍾意個type, 結果原來佢都只係當我係好朋友 曾經 我同佢, 無所不談 我同佢, 每日都可以有近百個whatsapp 我同佢, 可以日日由朝傾到晚由講早晨去到講早抖 我同佢, 真係只係朋友咁互相關心, 佢陪我度過左好多艱難既日子 最近佢出左pool 佢同我講, 佢只係識左個個女仔1個sem 佢同我講, 只有個個女仔先吸引到佢 佢同我講, 同個個女仔一齊先係最開心最舒服 佢同我講, 要介紹個個女仔比我識, 我地會做到朋友 佢出左pool之後 我同佢愈來愈少傾計愈來愈疏遠 我明白佢好錫女朋友, 唔想女朋友呷醋, 同其他女仔保持一定距離 但係呢排我發現, 原來我鍾意既人係佢 冇左佢成日都覆既whatsapp, 有一種空虛感 我日日都忍唔住whatsapp佢希望佢會覆, 我會關心我 我見到佢拖住女朋友黎gathering, 我個心好痛 我唔想賤格到破壞佢地既感情 但係要係佢地面前扮開心扮無事, 我做唔到 我可以點做? " From 薄扶林大學 (HKU) #第三者, #思念, #求意見 ------------------------------------------------- GPA T-shirt ordering ==>> http://bit.ly/GPAshirts 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT