Love story #3427 "O4 女 其實都已經同ex分手差不多一年 分手原因係因為有第三者 諗番當時其實我都幾蠢 身邊d人都知但係我自己咩都feel唔到 或者我一直太過信佢 覺得佢無可能會出軌 我亦都唔會check佢電話/fb 覺得信得過就無需要check 而我地其實除左返學返工都幾常會見到 所以當我知道有第三者果一刻其實都幾震驚 其實呢d都唔係重點 重點係 我同佢分左手一年左右 而佢都同個第三者一起左一年左右 我地身邊ge共同朋友成日都會有意無意咁透露佢地ge生活比我聽 (其實我將佢地歸類為係我ex d朋友多過係我自己ge朋友 我都係因為我個ex我先會識佢地 分左手之後同呢班朋友其實都好少聯絡 會whatsapp下 有時候會出黎食飯咁) 我係有講過話唔洗特別同我講佢地d野 我其實無咩興趣想知道 但係如果有時一班人講開其實我無所謂 我唔會特別覺得唔開心或者唔舒服 總之唔洗特別提起 但係佢地就真係好鍾意特別whatsapp我話佢地依家點點點 佢地尋日去左你地以前成日去d地方等等 成日問我祝唔祝福佢地呢d問題 其實 你地想我點答? 無話祝唔祝福 如果今日係我一個好朋友揾到好對象/結婚 我一定祝福架 或者問我有無憎佢 其實比起憎 我更加係多謝佢出現過同埋用呢個方法離開 如果唔係我到依家都應該仲係覺得呢個世界所有人都係好人 唔會有人會呃你(雖然我依家仲係咁諗 不過至少我比起以前好左好多) 又成日問我點解都一年仲未拍拖 係咪放唔低 其實點解一分手就要拍拖?點解好似唔拍拖唔得咁講到 我只係覺得我上一段感情放左太多心機太多時間 錯過左好多野 呢段時間我好想做好d我自己 況且我唔係果d有人追就要周街講ge人 其實我係幾個月前已經開始左另一段感情 我亦都無收收埋埋 我自己ge朋友其實都知道 我只不過無 係fb/instagram大肆宣傳 所以我ex個班朋友唔知 咁我覺得 如果你唔知的話 姐係其實你唔需要知 我無需要因為要滿足你ge好奇心而將我ge生活放上fb/instagram比你地睇 而我無擺上fb/instagram ge生活亦都唔係你地諗到咁sad 我唔明點解我無po我同依家呢個男朋友d野就係代表我仲掛住個ex 其實我好想知道我個ex班朋友係咩心態... 係想我比咩反應? 係咪希望我聽到佢地好就好sad? 我真係生活得好好 我求下你地放過我啦" From 薄扶林大學 (HKU) #第三者, #分手, #求意見 ------------------------------------------------- Love stories (交文) - http://bit.ly/dryclubstory DSnap! (交圖) - http://bit.ly/dryclubphoto 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT