《最想忘記的事》#13 [一腳踏兩船] "呢件係同男朋友一齊左兩年半，嗰年發生既事。 嗰陣時要返書店full time, 咁同男友各有各忙，其實都少見左。 做野嗰時有個客成日都上黎，由於佢好有禮貌，咁我就對佢有好感，之後佢向我搭訕，我就俾左電話佢。 有一日出去嗰時佢錫左埋黎，我地就順理成章地一齊左。 嗰時變成左我一腳踏兩船既情況，我深知係唔應該，但係都係呢段新鮮既關係裡面沈淪左一段時間。 冇幾耐，嗰個男知道我有男朋友，佢本身都催我同男朋友分手，之後竟然話願意做暗處既第三者，我就更加覺得有理由俾我繼續落去。 後來嗰個男想同我扑野嗰一刻我先醒覺，原來我最愛既都係我男朋友，我只係想同我真正既男朋友扑野，我拒絕左之後就主動block 左嗰個男，以後唔再聯絡。 有時唔小心回想起，一諗到做左件錯事，心裡面就充滿悔恨，而家我只係想對我身邊嗰個好啲， 希望佢永遠幸福。 我只想係呢度同一啲偷偷發展不倫關係既人，又或者拍拖拍耐左開始有啲心思思既人講： 請望清楚自己究竟做緊咩，新鮮感只係嗰一剎那，旁人看來，你只係個bitch. 就算你身邊人唔知道，以後既你心裡面都會有條拔不走的刺。 如果唔甘心出左pool冇得再玩，請你放手，佢值得一個更好的。" From 薄扶林大學 (HKU) #第三者, #痛苦 ------------------------------------------------- Love stories (交文) - http://bit.ly/dryclubstory DSnap (交圖) - http://bit.ly/dryclubphoto 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT